Shillong: Ka dorbar kyrpang ka Khasi Hills Autonomous District Council (KHADC) kan shong dorbar kyrpang lashai ka sngi ka 10 tarik Naitung, na ka bynta ban pynkhyllem ia u CEM u bah Pynshngain N Syiem.
Ki MDC ka KHADC, kiba ia kynduh ha Orchid Hotel, ha ka Lah Sngi U Blei:Rupang
Mynta ka sngi, ki MDC ba la soi ia ka jingbym shaniah shuh ia u Bah Pynshngain, ki la kam ba ki la don 17 ngut bad kiba kyrshan ia u, ki don sa tang 6 ngut ha ka iing kaba don 29 ngut ki MDC.
Mynta ka sngi, u Lat ka jylla u la hukum ban khot dorbar kyrpang, na bynta ar sngi ban iakren ia ki kam ka Council. Ka dorbar kan long ar sngi kata lashai bad la shi sngi. La sngewthuh ba lashai kin shu pynkhyllem beit ia u Bah Pynshngain na ka shuki bad kin sa jied pat ia u nongialam ba thymmai.