Lashai bad la shi sngi, yn beh ka lyer ding, ha ki bynta ka pyrthei, lah ban thut ki mobile phone, telebishon

Ka la don ka jingdum ngiew ha ka duriaw bah Atlantic, na ka daw jong ka leit hap ka lyer ding ha katei ka duriaw, ha ki khyndiat sngi ba ladep; hynrei la iathuh ba katei ka lyer ding, kan jia ha ka sngi hat majai bad ka sngi balang ruh kumjuh, ha kaba ha kine ki ar sngi, kin wan hap sha ka pyrthei, katei ka lyer ding. Ha ka ktien jong ka science, la tip ia ka, kum ka geomagnetic storm bad katei ka lyer ding, kaba beh stet bha, kan lah ban pynthut ia ki par maknet jong ka pyrthei bad nangta ia ki tiar kiba iathuh ia ka jinglong jingman jong ka mariang.

Katei ka lyer ding, la iathuh ba ka don ha ka jaka kaba don bad ka sngi ha ki bynta jong u equator bad katei kan lah ban pynthut ia ki satellite, ki mobile phone, ki satellite television bad nangta ia ki jaka sam bor ding jong ka pyrthei.