Shillong: Hadien ka jing ujor jong u Rangbah shnong ka Barapathar Umtyrnga Ribhoi, mynta ka sngi, U Syiem ka Raid Marwet, U bah Arun Ken Syiem ha ryngkat ka jing ia don lang u General secretery jong ka FKJGP Ribhoi district, U Bah Luistar Lyngdoh bad u president ka Marwet Baridua circle bah Ring Sohpdang, ki la lap ia ka jing tuh umbam jong ka Assam na Meghalaya da ka ba sam lyngba da ki nar um ki ba heh ban tan um sha Assam mynta la bun snem.
Haba iakren bad u syiem ka raid bad U General secretery FKJGP Ribhoi, ki la ong ba ia kane ka kam kin sa leit ban ujor hakhmat ka D.C bad ruh sha ki nong mih khmat kane ka thain ban peit ban khmih lem ia ka eh ka shon ki nong shong shnong.
U bah Luistar Lyngdoh, u la pynpaw ruh ia ka jing sngewsih namar ba bun hi u pud u sam jong ka Meghalaya, la shah knieh ha kiwei pat, hynrei na ka liang ka sorkar Jylla lane kita ki nong mih khmat kiba ju pan jing kyrshan ia ki ha ka por elekshon, kim ju don ba peit lang halor kine ki kam bad u la kyntu ia ki riew sain pyrthei, ban iarap lang iaki seng bhalang ha kaba iadei bad kine ki kam ym ban long kum ki dieng pyngkiang.
Ha kajuh ka por na ka liang ka seng FKJGP ka la dawa ruh ba kin pynkylla noh ia ka kyrteng jong kane ka shnong Barapathar sha ka ktien khasi.
Phi don ban ong eiei?