Nongpoh:Ha ka jingkhynra kaba arsien ba ki pulit Enforcement ka Khasi Hills Autonomous District Council (KHA DC), ki la leit ban khynra Trading License na ki dukan bar jylla kiba don ha Nongpoh, ki la nanglap shuh shuh ba bun na ki dukan bar jylla kiba don dukan ha Nongpoh kim don satia ia ki Trading License.
Lyngba jong katei ka jingleit khynra, hadien ba ki Pulit KHADC, ki la lap ba bun kim don ia ka ka Trading License, na ka liang ki ki pulit ka Enforcement ki la ai da ka Show Cause Notice kaba 10 ne 15 sngi ia ki ba ki dei ban leh noh ia ka Trading License.
Lah ruh ban kdew hangne, ba katei ka jingkhynra Trading License da ki Pulit KHADC, ka dei hadien ba ka KSU Nongpoh Circle, ki la leit ban ujor sha u CEM ka KHADC, kiba la pynpaw ia ka jingsngewkhia kaba jur eh halor ka jingnangbun ki bar jylla, kiba la wan ban leh ia ki kam khaii pateng ha Nongpoh khlem da don ki kot ki sla ne ioh bor da ki bor ba dei peit.
Phi don ban ong eiei?