Lap na Guwahati ia ka samla ba jah rngai

Shillong,3 Naitung:
Hadien ba la ioh jingtip ia ka jingjah rngai kawei ka samla na la ing ki pulit ha ryngkat ka jngiatreilang bad ki bahaing ha sem kiba la wad jingtip shaphang jong ka ,ki la lap ia ka na Guwahati. Katei ka samla ka dei kaba la tip kyrteng kum ka Lona Mary P.Sangma, 19 snem karta kaba dei na ka shnong Nogapara PS Tura, ka dei kaba la jah na ing mynhynin ka sngi naduh ka por 12:15 baje eiei mynsngi.
Ha kajuh ka janmiet ki pulit ki la lapdien ia katei ka samla ha kaba la ioh jingtip ba ka don sha Guwahati , kumta ki pulit ka jylla mar mar ki la ai jingtip sha ki pulit ka Guwahati kiba la wanrah ia katei a khynnah sha paltan Bazar Police Station. Hadien ba la ioh jingtip biang ba ka la don ha katei ka PS mar-mar ki pulit jong ka Tura ki la leit sha Guwahati ban shimti ia katei ka khynnah na kti ki pulit Assam mynta hi ka step bad la wanrah noh ia ka sha Tura Police Station.
Haba la tohkit da ki pulit ka Lona ka la iathuh ba ka leit sha katei ka jaka marwei hi bad da ka mon lajong ha ka step jong ka 1 tarik mynta u bnai namar ka jingkwah peit jaka bad ka la iathuh ba ka shong da ka kali kamai bad ynda la poi sha Guwahati ka la leit ban sah miet ha Meghalaya House. Ha ka step ka ba bud ka la leit sha Shillong bad ka leit phai biang sha Guwahati ka jaka ba la lap ia ka. Hadien ba la pyndep ia baroh ki jingdonkam ki pulit ki la aiti ia katei ka khynnah sha ki bahaing ha sem.