Lap metiap longkmie na Ryndang briew

Shillong, 14 Naiwieng:
Mynta ka step ki pulit ki la lap ia kawei ka metiapjong kawei ka longkmie narud surok ha Mawiongrim, Ryndang briew, la pyndep ia ki jingdonkam baroh bad ia ka metiap la pynkit sha NEIGRIHMS na bynta ka post mortem, katei ka metiap ka dang don hapoh NEIGRIHMS haduh mynta.
Ym shym la tip ia ka kyrteng katei ka longkmie hynrei la-antad ba ka rta jong ka ka dei hapdeng 30 haduh 35 snem eiei, ka phong da ka Jean ba iong, ka brand ba kyrteng Like August, la lap ia kawei ka soh shkor rong ksiar.