Jowai: Myn hynnin ka step, ki pulit ka Umkiang Outpost ki la ioh ban tam haduh ar tylli ki metiap ki bym lah ban ithuh na rud surok bah ha Ratacherra, hajan Malidor, East Jaintia Hills.
Kitei ki ar tylli ki mettiap ki kynthup ia kawei ka samla kynthei kaba la 30 snem antad bad kawei pat kadei ka jong u samla 30 snem antad.
Ka tyllong khubor ka la iathuh ba ka metiap u shynrang ka dei kaba la puyt katba ka metiap katei ka kynthei ka long kaba dang shu bret ha ki 20 lane 24 kynta.
Ha kaba iadei bad ka metiap katei ka kynthei ym pat lah ban ong la ka shah bat tnga jubor ne em ha shwa ba kan shah pyniap, hynrei ka don ka jingsuba jur ba ka lah ban shah ia katei ka jingleh bein.
Ki pulit ka Umkiang ki la leit tam ia baroh ar ki metiap kiba thiah lynktar ha ka jingjngai kaba hapdeng 50 bad 70 metre bad la pynkit ia ki sha Khliehriat CHC na ka bynta ban pyndep ia ka post Mortem Examination.
Phi don ban ong eiei?