Lap metiap ka longkmie na Mawlangsu

Nongstoin, 16 Jylliew:
Ha ka janmiet jong ka sngi balang jong ka taiew ki paidbah ka thain Mawlangsu kila lap ia kawei ka met iap na kawei ka jaka kaba la tip kum ka Kharai Marskuin kaba dang hap hapoh ka shnong New Mawlangsu.
Katkum ka tyllong khubor ba la iohlum da u nongthoh khubor la ong ba katei ka longkmie kala shah pyniap dusmon ha ki katto katne ngut ki riew runar ki bynshym pat la tip sati ki dei kiei, bad ia katei ka longkmie la tip kyrteng kum ka Bliantina Lyngkhoi 40 snem ka arta kaba dei na katei hi ka shnong.
Hadien katei ka jingjia ki nongshong shnong katei ka thain kila pyntip noh sha ki bor pulit ka nongstoin Police Station, ha kaba na ka liang jong ki pulit ruh hynne ka sngiu kila leit mar mar sha katei ka shnong bad kila lap ruh ia katei ka met iap jong katei ka longkmie.
Na ka liang jong ki pulit kila rah noh ia katei ka met iap ban leh ia kaba donkam bad ruh ban  pyndep ia ka post mortem.