Shillong: Halor ka jing kynnoh, ia ka jingdon ka bih Uranium ha Nongbah Jynrin, Wahkaji, South West Khasi Hills District, ka sorkar Meghalaya, ka la phah tohkit ha ka North Eastern Hills Univeristy (NEHU), ban wad ia ka jing shisha bad ka NEHU, ka la thaw ia ka komiti ba hynriew ngut, ba la khlieh da U Prof. B. Myrboh, Department of Chemistry bad ki la leit peit ia katei ka jaka, ha ka 10tarik Naiwieng 2020.
La ioh pdiang da ka sorkar jylla, ia ka kaiphod, ha ka 17tarik Nohprah 2020 bad la pynlong ia ka jing iakren halor katei ka mat, ha ka 20tarik Kyllalyngkot 2021, ha ka jing lam khmat U Chief Secretary, ka sorkar Meghalaya.
Ka kaiphod jong ka NEHU, ka iathuh ba ka bor jong ka radiation ha ka jaka ba don ka top bret jaboh Urnaium bad ha ki shnong kiba marjan, ka long kaba hapoh jong ka jingkhein kaba biang nadong shadong.
La lap, da ka komiti, ba ka jaka kaba palat shi spah phut, na katei ka jaka bret jaboh, kaba don ha ka wah Phud Syngkai, ka jing don ka radiation, ka kham jur, na kaba dei ban long bad katei ka dang donkam ban tohkit biang.
Ka sorkar jylla, ka la rai ban tohkit la ka jong, ia ki mar bad ki jaka kiba don ha ka wah Phud Syngkai bad ban phah peit bniah ha ka jaka tohkit jong ki riew shemphang bad ban tip, ia ka tynrai jong ka jingdon jong ka radiation.
Phi ong kumno ym don eiei khie leit ia sah hangto shisnem nga ruh ngan guarantee phin Im eh katno sngi thaih hangto ha jan ki tank uranium .