Lap ki shipai suin, ia ka liengsuin kaba jah rngai ha Arunachal Pradesh

Ki shipai suin, ki la iohi ia ka bynta kaba la pharia lyngkhot jong ka liengsuin AN-32, ha Siang District jong ka Arunachal Pradesh.

Katei ka liengsuin, kaba don bad 13ngut ki briew, ka la jah rngai naduh ka 3tarik Jylliew 2019, hadien ba ka mih na ka kad liengsun ki shipai ha Jorhat, jong ka Assam bad ba ka dei ban leit sha ka jaka hiar liengsuin ha Mechuka, ha West Siang District jong ka Arunachal Pradesh.

Katei ka liengsuin, kaba la pra la lap ha ki bynta jong ka Payum jong ka Siang District, ha kaba la iohi da ka Mi 17 helicopter jong ki shipai suin.