Lap ki saiantis, ia ka spah ba byllien bah ha u asteroid, ka ban pynkylla millionaire ia u khun bynriew

Ka ju don ka jingong, ba ka mana ka hap na bneng bad ha kane ka sien, la imat, kumba kan sa urlong shen bad kata ka long ba ka don ka ksiar, kaba bun bah ha ka haw haw bad kaba ki saiantis, ki dang thaw lad ban leit sha katei ka haw haw bad ban tih ia katei ka ksiar.

Ka NASA, ka don ia ka mishon jongka, kaba la ai kyrteng Psyche bad la iathuh ba u don uwei u asteroid, uba heh haduh 226 kilometre bad utei u don ha ka solar system hapdeng ki ar tylli ki met bneng U Mars bad U Jupiter bad ka dei ha une u asteroid, ba la ngeit ba ka don ka ksiar kaba byllien bah, ha kaba ka spah, ka ban ioh na utei u asteroid, kan palat bun shah ia ka spah kaba don ha satlak pyrthei.

Ki stad saian, ki iathuh ba ha utei u asteroid, ka don ka ksiar kaba remdor bha, kaba tylli mlun mlun bad ka don ruh ka nickel bad haba khein antad, kan shongdor kumba $10,000 quadrillion bad la ong ba lada ki saiantis, kin ioh ban tih ia katei ka ksiar, kumta kin lah ban sam pahuh ia katei ka ksiar bad ban pynlong millionaire, ia uwei pa uwei u briew ha ka pyrthei.

Ka NASA, ka la thung ia ka Space X jong U Elon Musk, ban leit sha katei ka mishon, ha kaba la sngewthuh ba ha u snem 2022, kin leit her sha katei ka haw haw bad kin leit peit bniah ia katei ka spah, ka bym lah shuh ha sahit bneng.