Lap ki pulit ia ka metiap u rangbah kaba la per ha pung Umiam

Nongpoh: Ki Pulit ka Umiam Police Station, mynta ka sngi ki la leit ban tam noh ia ka Metiap jong uwei u rangbah, kaba ki la lap ba ka la per ha sla um ka pung Umiam.

Hadien ba ki la dep ban sei ia katei ka Metiap, ki Pulit ki la suba jur ba utei u rangbah u la ngam jyllop hi, namar na kaei kaba ki Pulit ki la lap ha ka jinglong ka met, la lap ba um shym la don ia kino kino ki dak mong ha ka met jong u.

Ki Pulit ki la shu antad ba utei u briew, u don ha ki rta ba 32 snem eiei. Hadien ba la dep sei, ki Pulit ki la pyndep ia ki jingdonkam kiba katkum ki kyndon Ain bad hadien kata pat ki la rah noh sha Nongpoh Civil Hospital, na ka bynta ban pyndep ia ka Post Mortem. Haba iadei bad katei ka jinglap ia katei Metiap na katei ka pung Umiam, ki Pulit kin dang pynlong ia ka jingtohkit, khnang ban lap ia ki jingshisha baroh.