Lap ki pulit ia ka met pyut, u pulit shah rahbor

Shillong, 13 Nohprah:
Ki pulit ka North Garo Hills ki la lap ia ka met ba la pyut ba la tep bad la suba ka lah ban dei ka met jong u pulit ba shah rahbor u Khomraj Bhattarai. Ia kane ka met la lap na thain Tapa Darengchi ha ka sngi Saitjain.
Une u pulit langrut u la shah rahbor la jan shi bnai ha ka kynhun kieng atiar ka GNLA. Ki pulit ki la pynlong ia ka jingwad ia une u pulit ha ki khlaw ki btap hynrei kim shym la lap satia bad dei ha kane ka sngi Saitjain ba la lap ha katei ka jaka ia ka met ba la pyut kaba la lah ban dei jong une u pulit ba shah rahbor bad shah pyniap ha ki riew kiengatiar.
Ia kane ka met la lap na ka shnong Rongdanggre ha ka thain Tapa Darengchi kaba don ha North Garo Hills. Ia kane ka met la wanrah sha hospital ha Mendipather ban leh ia ka post-mortem. Wat ha ka jingshisha, ka GNLA ka la kyntait ban donkti ha kane ka kam rahbor ia utei u pulit langrut hynrei na ka liang ki pulit ki la kam ba u Area commander ka GNLA u Pilliport D Shira bad ki briew jongki ki don kti ban rahbor ia une u pulit.U Bhattarai u dei pulit langrut jong ka  6th MLP battalion uba trei ha  Songsak .Mynta ka sngi pat la wah rah noh sha Shillong, ia ka met jong U Bhattai, ha kaba yn pyndep ia ka jing leh burom ba khadduh.