Mynta ka sngi, ki pulit ha ka jing iarap jong ki trai shnong, ki la ioh ban lum shuh sa shibun ki tiar siat, ba la buhrieh da ki ehrang GNLA.
Hadien ka jingshah kem jong ki 5ngut ki briew, kiba don bynta bad ka GNLA, la iathuh ba ki pulit ki la wad ia ki jaka bapher, ha kaba ki la leit sha ka shnong Dorenkigre, Chachatgre, Bawegre bad Nengmandalgre bad ha ka jingwad kaba lai sngi kynthih, ki pulit, ki la lap ia kitei ki tiar siat na ki shnong Dorenkigre, Chachatgre bad Nengmandalgre, kiba don hajan ka Wah Simsang.
Ki tiar kiba la ioh lum ki long 2,036 tylli ki kuli 7.62, 50 tylli ki kuli 9mm, 320 tylli ki kuli HMG, 10 tylli ki tiar pynbthei ia ki bom IED, 2 tylli ki remote control bad 4 synduk ba don ki tiar siat.