Shillong: Ki nongialam jong ka seng ki nongotdoh masi ba latip kum ka Khasi Jaintia Butcher Welfare Association (KJBWA) myn hynnin ka sngi hadien ba ki la leit ia kynduh ia ka DC Nongpoh, halor ka jingbymioh shuh ka seng ban thied iaki masi ba bha na ka iew die masi ha Khanapara,la ioh ban iakren bad u Rupang ha kaba u Bah Generous u la iathuh ba barobor na ka tnad Vetenerinary ki ju pyndeng sohskhor, hynrei ka long ka ba pynlyngoh pat ia ki ban tip ba ki masi ba ju thied maki ki deng sohshkor da kawei ka jait katba ki masi ba ki mih shabar pat ki ioh da kawei pat ka jait sohshkor.Shuh shuh,u la ong ba la suba ba ki don ki ba donbynta ban leh ia kane bad la suba ruh ba lehse don ruh wat na ki seng bhalang ki ba donkti halor kane.
U la iathuh ba ka jing khang die doh masi kan iaid beit kumba la pynbna naduh lashai ka sngi bad kan bteng tad haduh ban da jop ka jingia khun ba ki bor ba halor kin shim khia.
Shuh shuh,haka jingiakren u la ong ba hapdeng kane ka jing khang otdoh kim nang shuh ban ong kin trei noh da kaei namar la shi katta ki snem ki la aiti ban trei da kane ka kam.
U la iathuh ruh ba baroh khoit ki nongdie doh masi (malik) ha ka Rilum Khasi kin ym duna iaka 260 haduh 300 ngut bad u wei uwe u malik un ot kumba 4 haduh 5 tylli eiei shi sngi shi sngi,bad ba kador jong u wei u masi um duna iaka 35,000 tyngka.
Halor ka tei ka jingkhang otdoh masi jong ka seng KJBWA, haba u nongthoh khubor u pynshongnia, la shem ba ka jing sahkut ka pisa ban tyllun tang hapoh ka Ri lum khasi kan long lehse kumba 4,55,00000 tang ha ka shi sngi bad kan ktah ia ki nongbylla badon kumba 4000 ngut tam eiei jong ki malik.
Phi don ban ong eiei?