Lap ki BSF ia ka krem thymmai, ba 20 phut ha Gujangpara

Shillong, 8 Lber:
Ki shipai Border Security Force, kiba pahara ha Gujangpara, South West Garo Hills district, ki la lap ia ka krem, ha khappud bad ka Bangladesh jong ka Gujangpara.
Ha ka jingiaid pahara bha, ki shipai BSF, ki la lap ia ka krem, kaba dang shu dep tih shen, hajan ka ka jingker sainar, ha kaba la ngeit ba la tih da ki nongkhaii masi tuh, namar ba katei ka dei ka jaka, kaba ka jur bha ka jingkhaii masi. Katei ka krem, ka dei kaba don ka jingheh kaba 3 phut la ar phut bad ka don ka jingjyliew kaba kumba 20 haduh 25 phut. Katei ka krem, ka dei ka bym tip dep tih satia, namar ba ka donkam ban tih sa 200 metre eiei, ban tih, na ka bynta ban pei lyngba sha ka bynta jong ka Bangladesh. Ki BSF, ki dang tih bniah ia ka jingmut jong katei ka krem, la ka dei, na ka bynta ka khaii masi ne ioh lehse, ka dei na bynta kiwei pat ki kam pyntriem.