Lap ki ar seng ia ki ophis sorkar ba thylli

Shillong, 14 Risaw:
Ar tylli ki seng bhalang ka Meghalaya People United Front (MPUF) bad ka Jaintia National Union (JNU) ki la lap ba ka ophis jong ka Amlarem Sub Division office bad ka Fisheries ki thylli khreng khreng khlem don nongtrei satia.
Ha ka kyrwoh ba la pynlait ka seng ka la ong ba ka leit jngoh ia kine ki ophis hadien ba la  la ioh ia shibun ki jingujor na u paidbah halor ka jing bymwan tista ki nongtrei sorkar khamtam ha ka thain jong ka Ri war-jaintia.Ka la ong ba ki la ioh ban iakynduh ia katto katne ngut ki briew ki ba leit donkam ha kine ki ophis sorkar ki la iathuh ba manla ka por ba ki nongtrei  kim juh don ha ophis ha ki por ba dei trei bad ki juh wan ha ka por 11:30 shiteng bad teng teng haduh 12:00 baje ne 1:00 shi baje mynsngi bad kane ka la ktah shibun ia u paidbah ba leit donkam sha ki ne ki ophis sorkar.
Halor kane kine ki ar seng ki maham ia ki ophis ki ba bun ki ba don hapoh ka jylla khamtam ia ki ophis ki ba don ha ki thain nongkyndong ba kin wan tista sha ophis khnang ba u paidbah u ba leit donkam sha ki ophis sorkar ba  un ioh jingmyntoi khlem da pyllut shibun ki por ki sngi tang ia ka wei ka kam na ka seng ka maham tyngeh ruh ba lada lap ka seng kan dawa da ka jingpynshitom katkum ki kyndon jong ka ain pynkut ka khyrwoh na ki ar seng.