Lap ka test ba ki ruti kim lei lei lada bam, ong ka sorkar

Shillong 04 Nailar:
Ka sorkar jylla ka la ong ba katkum ka jingleh ia ka test ia ki ruti, la lap ba kim don eiei ka jingktah ia ka jingkoit ka jingkhiah bad lah ban bam ia ki. Na ki 23 tylli ki kpu ruti ba la lum na kylleng ka jylla la phah test ha Food Anaylyst ha Assam ha u bnai ba la dep bad la pynthikna ba ki ruti kim don u jingkhlieh Potassium Bromated ha baroh ki ruti ba la phah test, la ong ka kyrwoh na ka sorkar jylla. Namar kane ka jinglap bym don eiei, ka jingdie ia u ruti la bteng biang ha ka jylla, la ong ka Deputy Commissioner ka Food Safety, ka Megha-laya.