Lap ka SDRF, ia ka met iap jong u hep rit, uba dang 10 snem ka rta na wah Umiam

Shillong: Ka State Disaster Response Force (SDRF) mynta ka sngi, ka la lap ia ka met iap jong uwei u khynnah rit, uba la jah rngai na ka shnong Nonglum Mawiong, Ri Bhoi District.

Utei u khynnah, u dei uba la ngam jyllop ha wah Umiam bad ka State Disaster Response Force (SDRF), hadien ba ka la ioh ia ka jingkyrpad na ki pulit jong ka Ri Bhoi, ki la sdang ban leit wad mynta ka sngi, ha ka por 10.30 mynstep. La ialam ia ka kynhun, da U bah Transly Tynsong, Inspector ha ka por 10.45 baje mynstep. Katei ka met, ka dei ka jong u heprit Biki Makri, uba dang 10 snem ka rta bad uba dei u khun jong ka kong Jantilin Makri, kaba na Nonglum Mawiong jong ka Ri Bhoi District. La aiti ia ka met sha ki pulit bad kiba ha iing.