Nongstoiñ: Ka KSU Maw shynrut Circle myn hynnin ka sngi lyngba ka kylla miet operation team kala leit ban khynra ia ki bar jylla ha ki lai tylli ki shnong ka Nongmessei, Nongjri bad Mawdonlang ha kaba kala lap da ki phew ngut ki bar jylla ki bym biang kot biang sla.
Katkum ka kyrwoh khubor na u Samla Ulysis Ryntong General Secretary ka Seng la ong ba kitei ki bar jylla kim shymla don ia ka work permit bad labour license bad kim lah ruh wat ban pynshisha ia lade ba ki dei ki nong India.
Shuh shuh la ong ruh ba ha katei ka jingkhynra ka Seng ka la lap ruh ba ki bar jylla kila ialam lang iala ki jong ki lok bad ki khun bad ka seng ka suba jur ba kitei ki dei ki phetwir ki bym hap ha ka NRC list bad ki la wan riehtngen noh shane ban ioh shong shnong shong thaw.
Ha kajuh ka por ka seng ka kyntu ia ki contractor ba kim dei ban wan ialam da ki nongwei ha kaba iadei bad ki kam kiba ki khasi ki dang lah ban trei ne dei ban pynbiang ia ki kot ki sla kum ka work permit ne labour license katkum ka aiñ 1979 interstate migrant workmen act namar ioh lehse ki dei ki riew sniew kiba wan riehtngen ha ka jylla jong ngi kaba buh jingma pat iaki jaitbynriew.
Phi don ban ong eiei?