Jowai: Ha ka jingleit jurip ka KSU Laskeiñ circle ha ka jaka siew bai bording ha shnong Iooksi West Jaintia hills, ha ka 6tarik Jymmang 2019, ka lap shibun ki jingleh bakla ha ka rukom shna bai bording ka MeECL. Ha jing buddien jong ka seng, ka lap ba don ki briew kiba la dep siewlut ha ki bnai bala dep, hynrei ka wan biang ha ka rukom ba sahram(outstanding bill). Don pat ki briew kiba dei ka bording baduk (BPL) hynrei ka bai bording pat palat 600 shaneng,kaba pynlyngoh pat ka long don ki briew ba ioh ka bai bording haduh T.552119 shaneng, wat lada ki pyndonkam tang ban thang ruh, hynrei ki la dep siew lut ha ki bnai ba la dep lane ba ka MeECL, kam ju shahram.
Haba iakren bad u nongshim bai bording u ong ba u khlem leh ma u, hynrei ka dei ka ophis kaba leh bakla. Haba phone ia ka kong Lily ba dei peit na Khliehriat sha kane ka thaiñ bad ka ong ba ka dei ka jingleh thurmur kiba shim bai bording. Kumta na ka liang jong ka seng ka la dep ban ia kynduh ia U SDO jong ka Revenue, U ma Manner u la kular ban pynbeit,hynrei haduh mynta ruh kam pat beit, ong ka kyrwoh na u President KSU Laskeiñ Circle, U Samla Balawantei Suchiang.
Ha shnong jong ngi ruh ha umphyrnai ka long kumne, baroh baroh ki kynnoh ia u nongshim bill light, ki ialeit siew hi beit sha office, kane ka buh jingeh ia ki nongshongshnong ha kaba ki hap ban leit pynlut por tang ban siew bill light, ki ba biej lei bapli ki bym nang ban peit ia ka kot bill ki siew bad ia ka outstanding bill ruh Kane ka long ka jingduhnong kaba khraw ia ki bapli