Lap ka kompeni Pfizer, ia ka dawai ban pynjem na ka khlam corona

Ka kompeni Pfizer, ka pynthikna ba ka lap ia ka dawai ban pynjem na ka pang khlam coronavirus bad la iathuh ba katei ka kompeni, ka pynthikna ba ka dei kaba trei kam haduh 95 percent, ha ka jing pyrshang jongki, haduh ha kine ki sngi.

Katei ka kompeni, ka dei kaba ia trei lang bad ka kompeni kaba na Germany, ka BioNTech SE bad ka dei ka dawai ka bym don jingktah satia ia ka met bad ka dei ruh kaba lah ban pyn trei kam ia baroh ki nongpang, kiba don ha ki rta bapher bad kaba lah ban shalan sha kylleng ka pyrthei.

Katei ka dawai, ka thikna bha ia kito kiba palat 65 snem bad ka jing sumar na bynta kiba don ha katei ka rta, ka long kaba thikna haduh 94 percent.

Katei ka kompeni, kan pan jingbit ban pyniaid ha America, ha ki khyndiat sngi ban sa wan.

Ka Pfizer, ka la test ia katei ka dawa, ha ki 170 jait ki rukom pang bapher, kiba don bad ka corona bad ia 43,000 ngut ki volunteers.

Ka Pfizer, ka don jingthmu ban pynmih kumba 50 million tylli kitei ki dawai ha une u snem, na ka bynta 25 million ngut ki briew bad nangta kan sa pynmih sa 1.3 billion tylli ha u snem 2021.