Shillong:Ka JSU ha ka jingleit jurip sha ka jaka bret niut ka Jowai Municipal ha ka 8 tarik Lber 2021, da ka kynhun ba la ialam da u Eddy Kery Pohtam President ka JSU War Jaintia Circle bad u Wansalan Patwet, Vice President ka JSU Jowai Circle ki la lap ia ka jingbret pathar ia ki niut ha rud surok ka National Highway Jowai – Amlarem.
Kane ka surok bah, ka dei ruh ka lynti ba kongsan tam ka ban pynpoi ia ki nongleit nongwan sha ki jaka bapher bapher jong ka thain Riwar jaintia bad kane ka jingleh torti ka Jowai Municipal ka la pynisih shibun ia mei mariang kaba long ruh ka lynti ban poi sha ki jaka jngoh kai pyrthei ba paw kum sha Krangsuri bad Wah Umngot.
Ka seng ka don ka jingsngewkhia kaba jur, namar ba mynta ba la jan poi ka aiom lyuir kan sa don ka jingktah ia ka wah Myntdu ha kaba ka jingtuid ki niut kum ki plastic bad kiwei pat sha ka wah kan sa pynjakhlia ia ka wah bad ruh ia ka tyllong um bam ba pyndonkam ki briew. Kumta ka JSU ka dawa jur ba ka tnad Jowai Municipal kan pynkhuid noh mardor ia kine ki niut.
Phi don ban ong eiei?