Lap ka Israel, ba shah set u khar Nepali, ha ki Hamas hapoh hospital

Ka Israel, ka la pynsakhi, ba ki ehrang Hamas, ki pyndonkam ia ka Al-Shifa hospital, kum ka jaka treikam kaba kongsan jongki bad la iathuh, ba ka dei ha katei ka jaka, ba ki la siat iap, ia uwei u shipai, uba ki la ioh kem bad mynta, ki don arngut na kiba shah rahbor, kiba la set ha katei ka hospital. La iathuh ba na kitei arngut, uwei u dei u khar Nepali bad uwei u dei uba na Thailand, ha kaba uwei na kitei la iohi, ba u dei uba la mynsaw bad la hap ban shu rah sha ka jaka thiah jongu, ha katei ka hospital, katba uwei pat, uba dang lah ban iaid hi.

Ka Israel, ka pyndonkam, da ki camera syntiat ban rung ha katei ka hospital bad ban wad ia kitei kiba shah rahbor, kiba la shah set ha katei ka hospital.

Ka Israel, ka la lap ruh ia kawei ka thliew, kaba 55 metre bad kaba jylliew 10 metre shapoh ramew bad katei ruh ka don hi hapoh jong ka Al-Shifa hospital.