Ki bor sorkar jong ka Iran, ki la lap ia ka helicopter, kaba u don U President ka Iran, U Ebrahim Raisi. Katei ka helicopter, kaba u shong U President jong ka Iran, ka la jah naduh hynnin ka miet sngi U Blei, u don ruh u myntri kam bar ri jong ka Iran, U Hossein Amirabdollahian lem bad kiwei de ki heh sorkar jong katei ka Ri, haba katei ka helicopter, ka leit hap sha ki jaka lum bah jong ka Iran, ha Jolfa, ki bynta ba shatei bad kiba don ki lumbah. Ka jingjia, ka dei, ha ka por, ba U Raisi lem bad kiwei de ki heh jong ka sorkar Iran, ki dang wan phai na khappud jong katei ka Ri bad ka Azerbaijan. Ka khubor, ka iathuh ba haduh mynta kim pat lah ban poi ha katei ka jaka ba ka don ka helicopter, tangba la iathuh ba ka jinglong jingman jong ka helicopter, ka long kaba i artatien shibun eh, ba kin don kiba lait na ka jingma, ha katei ka jingjia.
La iathuh, ba ka don ka jinghap slap kaba jubor bha, ka jingduh lyoh bad ka jingkhriat kaba jur bha, na ka jingthut jong ka mariang bad katei ka dei ka daw, kaba la pynhap ia katei ka helicopter.
Ki don 9ngut ki briew, kiba shong ha katei ka helicopter bad kitei ki kynthup ia U Raisi, U Abdollahian, lai ngut ki heh sorkar jong ka Iran, u imam bad sa ki nongniah jong ka helicopter lem bad ki nongsynran ia kitei ki heh sorkar. La iathuh ba uwei na kiba shong ha ka helicopter, u dei U Lat jong ka jylla Eastern Azerbaijan, u Malek Rahmati.
kumba ka Iran ka leh ban pynthut ia kiwei ki ri khamtam iaka Israel ka jubab ka lah wan mynta na u blei jong ka Israel..Wat tim iaka Israel namar phi ruh phin shah tim..Kyrkhu iaka 🇮🇱 phi ruh phin ioh ka jing kyrkhu..Blessed be the name of our God of host.