Lap ka HNYF, ia ki nongthoh tim, kiba leh benami, da ki kyrteng Khasi

Shillong:Ka seng Hynniewtrep National Youth Front (HNYF) sengkmie mynhynnin ka nohphai sngi, ka 24 tarik u Risaw 2023, ka la leit ban khynra biang ia ki trading licence ha ki dukan thoh tim jong ki bar jylla, kiba shong thoh tim khlem da biang bha ki kot ki sla ha nongbah Shillong.

Ka seng ka la sdang ban khynra ia ki trading licence na 4 lad ter ter haduh ban da poi ha Thembasuk.
Ha kane ka jing khynra jong ka seng ia ki trading license la lap ba ki la don bun kiba biang lut ki kot ki sla hynrei kaba pyn sngewlyngoh ia ka seng haduh mynta ba kumno ka license ka don beit ia u Hynniew trep, katba ia u num ber pat ki pyniaid da u khasi.

Ka seng ka la phah khang shisyndon ia baroh kitei ki dukan thoh tim ki bym biang ki kot ki sla.
Kumta ha kaba iadei bad kane, ka seng kan iaid beit sha khmat ia kane ka kam kat haduh ban da seisoh bad ka kamai ruh kan poi beit sha ka sorkar.

Ka seng mynta, ka sngi ka la kren da kaba shai ba ngim ailad ba ki bar jylla kin ioh ban kamai spah kamai jem khlem kot khlem sla ha ka bri u Hynniewtrep jong ngi.

Ki la ong ruh ba bun ki leh benami ia ka kyrteng jong u khasi katba ka kam pat kadei beit jong u mynder, ha kaba iadei bad kane ka seng kan ym ailad bad kan dang iaid sha khmat ban peit lut ia baroh ki dukan thoh tim kiba shong beaiñ ha baroh jong ka nongbah shillong.