Lap ka FKJGP, ba sah ïingjah ka Veterinary Hospital ha Aradonga

Shillong: Ka Federation of Khasi Jaintia & Garo People (FKJGP)- Aradonga area unit myn hynnin ka sngi ka la leit ban jngoh ia ka Veterinary Hospital kaba don ha ka shnong Aradonga kaba hap hapoh ka West Khasi Hills District kaba don markhap bad ka khappud Assam.

Haba iakren bad u nongthoh khubor, u Bah Enbok Marak uba dei General Secretary ka FKJGP Aradonga Unit u la iathuh ba na ka liang ka FKJGP ka la pynlong ia kane ka jingleit jurip hadien ba la ioh ia ka jingujor na ki paidbah kane ka thaiñ, halor ka jingbym treikam kane ka veterinary mynta la bun bnai bad kane ka jaka ka long mynta kum ka ïingkynjah.

Ha kane ka jingleit jurip, ka FKJGP ka la shem ba ka khyrdop jong kane ka veterinary ka la khang khyrdep bad ym shym la don uwei ruh u nongap.

Na ka liang u Bah Enbok Marak u la iathuh ba kane ka veterinary hospital kaba don ha Aradongaka long kaba donkam tam ha kaba sumar ia ki masi, ki langbrot, ki syiar, ki sniang bad kiwei pat ki jingri ha kane ka thaiñ.