Lap ka FKJGP, ba bun ki jingduna ha Laitryngew PHC

Shillong,8 Nailur:
Ka FKJGP Lait ryngew Circle ha ryngkat ka jingiadon lang U Samla Ksanboklang Khar shiing, General Secretary FKJGP Southern Riwar Zone u ba long ruh u Cen tral Executive Member FKJGP Central Body hadien ba la ioh ia ka jingud na ki paidbah ki la pynlong ia ka jingjurip ia ka PHC LAitrengew ha ka 5 tarik mynta u bnai. Katkum ka kyrwoh ba la phah da u President Laitryngew Circle u bah P.Phanbuh u la iathuh ba ha katei ka jingleit jurip ka seng ka la lap ba don ki jingduna bun ki dawai bad Injection na ka bynta ki jingshitom bapher bapher ka ba la pynlong ruh ia ki paidbah ba kin hap ban thied na sha bar.
“Kane kala buh shibun ki jingeh ia ki paidbah khamtam eh ia ki ba duk ba jynjar”, ong ka kyrwoh.Ka seng ka la pynkynmaw ruh ba ka Laitryngew PHC ka shakri ia 10,555 ngut ki nongshong shnong jong ki 25 tylli ki shnong bad 3 tylli ki Sub Centre, hynrei ka ba sngewlyngngoh pat ba kane ka PHC kam don ki Dawai dashin ki ba biang. Ka seng ka la ai jingmut ruh ba ka PHC ka donkam ban don ki Campus Fencing, Water Strorage Tank, Electric Supply, Street Lights ki ba biang khnang ba kan lah ban ai ka jingshakri ka ba paka bad kumjuh ruh ka jingshngain ia ki Staff bad ki Officers jong ka PHC.
Na ka liang ki nongialam Seng, kin sa leit ban ia kynduh ia ka District Medical and Health Officer bad U Sub divisional Officer Engineering Wing East Khasi Hills Shillong ban buh ka jingdawa ban pynbiang ia baroh ki jingdonkam ha kane ka PHC.