Lap jingstad thymmai, ka longkmie na Riangdo ban pynmih ia ki napkin

Ka Kong Shaidalin Marbaniang, kaba na Riangdo, ka la ioh ia ka buit thymmai bad kata ka long ban shna ia ki napkin, ki ban nym pynjaboh ia ka mariang. Ka kong Marbaniang, ka don 30 snem ka rta bad ka khot ia kitei ki napkin “Syntu” bad katei ka thmu ban pyndonkam ia kitei bad kiba lah ban nym pynjaboh ia ka mariang, hadien ba la dep pyndonkam.

Ka kong Marbaniang, ka pyni ia katei ka jingstad jongka, ha ka jinghikai kaba hynniew sngi, ba la pynlong da ka sorkar India, kaba iadei bad ka jingsumar bad leh khuid da ki kynthei ha ka por ba ki poi bnai.

Mynta ka kong Marbaniang, la iathuh ba ka pynmih 300 tylli shisngi, kitei ki napkin na ka jaka trei kam jongka ha Riangdo.