Lap ia u samla ba jah na hospital Mumbai

Shillong 13 Nohprah:
Ia ka met jong u Bah Mawramsong Khar hujon uba jah na kad liengsuin Mumbai dang shen la lap na jaka sumar ka Cooper Hospital, Mumbai.
Ki pulit ki la ong ba ka met jong u Bah Kharhujon ka don ha Cooper Hospital naduh ka 6 tarik Nohprah bad la ithuh ia u da kiba haiing ha kane ka sngi Saitjain.
Katkum ka jing ong ki pulit ka Mumbai, u Bah Mawramsong Khar hujon u la shah sangah ha ka rel ha katei ka jaka.
Hynrei na ka liang kiba ha iing bad ki Khasi basah na  Mumbai la iathuh ba u la shah tied na khlieh da ka kynja nar bad kam dei ba shah sangeh ha ka rel. Ki pulit ka nongbah Shillong ki dang pan ia ka jingtip bniah na ki pulit ka  Mumbai. U Bah Kharhujon u la jah na kadlieng suin Mumbai katba u dang thmu ban leit phai sha iing. U la jah haba u leit sha painkhana ha kadliengsuin katkum ka jingiathuh ka hymen jongu ka Kong Pynshisha Kharhujon kaba leit ban synran ia u sha Shillong.