Lap ia ka metiap u rangbah, na surok shnong ha Killing

Nongpoh:Mynhynnin ka sngi, ha ka por 9 baje ei ei mynstep, ki Pulit ka Khanapara Police Station, ki la leit ban tam ia kawei ka metiap kaba la thiah lyngktar ha kawei ka surok shnong ha Dong Hati mara bad kaba hap hapoh ka shnong Killing ha Ri Bhoi.

Ka tyllong khubor na ki Pulit, ka ia thuh, ba la don ki bri ew na katei ka shnong, kiba la pyntip sha ki Pulit, da kaba pynpaw ba ka la don kawei ka metiap jong u rangbah briew, kaba la thiah lyngktar harud ka surok shnong bad ka ba la pynpaw ba katei ka metiap la dap tang da ki dak mong suda.

Haba ki pulit ki la poi ha katei ka jaka, ki la shisha ba la don ka mteiap bad ha ka jingtohkit ki pulit, la lap ba utei briew u dei uba la tip kyrteng kum u Gojin Sangma ha ka rta kaba 35 snem ei ei, uba dei na Hatimara, Killing.
Katkum ka jingiathuh da kiba haiing ha ki pulit, la ong ba utei u rangbah, hynnin mynmiet ha ka por 10 baje ei ei mynmiet, u la mih na iing ban leit buh iala u jong u Bakha, hynrei naduh katei hi ka por u khlem wanphai shuh sha iing.

Ha ka jingtohkit kaba malu mala ha katei hi ka sngi, ki Pulit ki la lap bad iohi ba utei u rangbah uba la khlad na ka daw ki jingjia aksiden kali, hynrei watla katta ki pulit ki la dep ban register ia ka Case bad ka jingtohkit halor katei ka jingjia kan dang iaid shakhmat.