Lap ia ka metiap u rangbah ba la pyut, na kawei ka jaka ha Baridua

Nongpoh: Ki riew paidbah na ka shnong Baridua, mynhynnin ka sngi ki la lap ia kawei ka metiap jong u rangbah, kaba la thiah ha kawei ka jaka ba long sanium hajan ki par maw kiba don hapoh ka shnong Baridua, Ri Bhoi.

Hadien ba ki la lap ia katei ka metiap, la pyntip noh sha ki pulit khnang ba kin leit tam ia katei ka metiap bad bad leh ia ki jingdonkam baroh.

Haba ki pulit ki la poi ha katei ka jaka kaba don katei ka metiap, la lap ba ia katei ka metiap jong utei u rangbah ym shym la ithuh shuh ia ka durkhmat jong utei u rangbah bad ym don kiba tip ba u dei u briew uba na ei ka jaka, kumta na ka bynta ban lap ia ki jingshisha, ki ka Ri Bhoi ki la rah ban leh Post Mortem ha Nongpoh Civil Hospital, khnang ban lah ia ki jingshisha baroh bad khamtam eh ban tip ia ka kyrteng bad ka jaka shong jaka sah jong utei u rangbah.