Lap ia ka metiap ka thei Khasi ha Delhi

Shillong, 9 Rymphang:
La lap ia ka metiap jong kawei ka thei khasi na nongbah Delhi bad katei ka metiap ka dei jong ka kong Bahun Mar baniang, 35 snem karta bad la lap ia ka metiap jong ka ha ka ing ba ka sah wai ha katei ka nongbah Delhi. Ia ka metiap jong ka la leit rah sha Deen Dayal Upadhyay Hospital ha kaba yn pyndep ia ka Post Mortem hadien ba lawan ki bahaing hasem jong ka kiba dang don ha shiteng lynti mynta ban leit sha Delhi.
La ioh jingtip ba ki don ki dak mong ha khohsiew jong ka kong Bahun, u Station House Officer jong ka Janakpuri u la pyntip ba ka Bahun ka la don ka jingleit leh sngewbha (Party) mynhynnin ka miet bad ka la leit lang bad u khun jong u trai jong kawei ka skul. Katkum ki lad khubor kiba la ioh ban ia kren bad kiba haing hasem jong ka la ong ba ka Bahun ka dei ka briew kaba pariah bad ka idei paralok lut kat ki briew kiba ka ia kynduh. Haduh ba thoh ia kane ka khubor ym pat shym lalah ban lum jingtip lut bad ka jingtohkit ka dang iaid shakhmat.