Lap ia ka metiap ka khynnah ba jah na la ïng

Shillong, 19 Nailar:
Mynta ka sngi la lap ia ka metiap jong kawei ka khynnah kaba la jah na la ing la kumba 10 sngi eiei mynta. La lap ia ka metiap katei ka khynnah kaba la tip kyrteng kum ka Samla Ahmed (16 snem) na Wah Umiam, Ri-Bhoi district. Katei ka khynnah ka dei kaba leit skul miet ha St.John Laban Evening School bad ka la jah na la ing ha ka 9 tarik mynta u bnai, ka dei kaba shong basah ha Lower Lumpa-ring, ka hynmen jong ka ka Razia Ahmed ka la ujor ha Laban PS ha katei ka juh ka sngi.
U SP ka Eas Khasi Hills u bah M.Kharkrang u la iathuh ba la lap ia a metiap jong ka mynta ka nohphai sngi bad la ithuh ia katei ka metiap da kiba haing hasem. U la ong ba ka kynhun ki FSLki la leit sha katei ka jaka ban lum ia ki sabut kiba bniah katba ia ka metiap pat la phah sha Civil Hospital , Shillong ban leh ia ka Post Mortem. Mynta ki pulit ki dang ap ia ka ripod post mortem ban lap ia ka daw ka jingiap jong ki.