Lap ia ka metiap jong uba shah rahbor sha Karimganj

Jowai, 20 Jymmang:
Mynta ka sngi, la lap ia ka metiap jong u wei na pdeng ki ar ngut kiba shah rahbor na Khliehriat East jaintia Hills District. Kane ka metiap ka dei ka jong u Amnipaia Sutnga 20 snem, uba dei u nongniah jong ka kali, uba na ka shnong Moolamyliang East Jaintia Hills District.
Ia kane ka met iap la lap, ha kane ka 16 tarik Jymmang, na sha Assam da ka jingiatrei lang jong ki pulit ka Assam bad ki pulit ka Meghalaya, katba ia u Bren Dkhar 25 snem  haduh mynta ym pat lap den shano u don.
Ia kine ki arngut la rahbor, da ki khar Assam  da kaba shu leh mynleh kum ki nongleit jingleit, ha kaba ki la bthah ba kin leit pynbuh sha Karimganj Assam, ha ka 15tarik Sngi U Blei. Kitei ki ar ngut shi paralok, ki la leit da ka kali maruti Alto 800 ka ba don ia u number ML11 1038.
La iathuh ba la lap, ia ka met iap jong U Amnipaia Sutnga, na Barak Assam katba ia u Bren Dkhar bad ia ka kali  haduh mynta kim lap dien shuh. La suba  ba kine ki runar ki rahbor, ia kine ki arngut  da ka jingthmu ban tuh ia kane ka kali.
U Amnipaia Sutnga, uba la iap u dei u khun jong I kong Derling Sutnga bad u ma Bilistone Malang na Moolamyliang bad u Bren Dkhar u bym pat lap haduh mynta  u dei u khun jong ka Niroi Dkhar na Moolamyliang. Na ka liang ki bor shnong bad ki pulit ki dang pynlong ka jingtohkit bad buddien ban lap sa ia u Bren Dkhar bad ia ka kali ruh.