Shillong: Ha kawei ka jingjia kaba la jia ha ka shnong Siejlieh, Nongstoiñ kaba hap hapoh ka West Khasi Hills Hills District ha kaba ki la don katto katne ngut ki khynnnah rit katba ki dang leit khwai dohthli ha kawei ka wahduid kaba rit ki la lap ia kawei ka metiap kaba la sdien ha uwei u dieng rit u ba don ha syndah jong katei ka wahduid. Marsyn ioh jingtip halor kane ka jingjia ki bor pyniaid shnong ki la wan poi mar mar ha katei ka jaka bad ki la pyntip ruh sha ki bor jong ka aiñ.
Katkum ki tyllong khubor kiba la ioh lum la iathuh ba katei ka metiap ka dei jong u rangbah briew bad la shu antad ba utei u briew u don hapdeng ka 30 snem eiei. Haduh ba la thoh ia kane ka khubor ym pat shym la tip satia ia ka kyrteng, ka kyrta bad ka jaka shong jaka sah jong utei u briew bad na ka liang ki pulit ki dang pynlong ka jingtohkit halor kane ka jingjia.
Phi don ban ong eiei?