Lap ia ka metiap briew kaba la song ha byrni ha Wah Umpyrli Saiden

Nongpoh: Myn hynnin ka jan miet ha ka por 4 ne 5 baje eiei janmiet, ki la don ki nongkhwai doh kiba la leit khwai sha ka Wah Umpyrli kaba don Saiden, ki la lap ia kawei ka song ha Byrni, kaba dei ka metiap u briew bad kaba la bret bun bun sngi sha katei ka wah, namar ka la sma shaba palat bad katei ka Byrni ruh ka la sdang ban jot. 

     Haba leit ban peit sha katei ka jaka, la ioh ban iakren bad ki briew kiba don ha katei ka jaka, la ong ba kitei ki nongkhwai kiba dei ki Longkmie suda, ha kaba tang mar ia lap ia katei ka metiap kaba la song bha ha Byrni, ki la pyntip sha ki samla ka shnong Saiden bad kaba la pynlong ia ki ba kin sha katei ka jaka ban leit peit ia katei ka Metiap, kaba la per ha katei ka wah bad katkum ka jingiathuh jong ki, la ong ba ka dei ka metiap u briew, namar ki la iathuh ba ki la iohi ia ka Tymbuit bad ruh ia ki shymriah kti. 

    Kitei ki samla haba ki la iohi ba dei ka metiap, ia kaba ym pat tip kynthei ne shynrang, kitei ki samla na Saiden, ki la pyntip sha ki pulit khnang ba kin leit tam noh ia katei ka metiap.