Lap ia ka metiap ba sah tang ki shyieng na kawei ka khlaw, harud ka surok Umshru-Paham

Nongpoh: U Superintendent of Police, ka Ri Bhoi District, ula pyntip ba ki Pulit ki la lap ia kawei ka metiap u rangbah briew bad kaba la sah tang ki shyieng na kawei ka khlaw kaba don harud ka surok na Umshru sha Paham, kaba don ha ki thain Jirang ha Ri Bhoi.

Ia katei ka metiap kaba la lap da ki Pulit, ym lah shuh ban ithuh la u dei u Khasi ne u briew nabar, hynrei na kaei kaba ki Pulit ki lap, ka long ba utei u briew u dei uba phong ia ka patlun jrong rong iong, ka patlun poh rong bthuh bad uba khlem phong sopti.

Haba la lap ia katei ka metiap, ki Pulit haba ki la pyndep ia baroh ki jingdonkam, hadien kata pat ki la rah noh sha ka jaka buh metiap ha Nongpoh, na ka bynta ban leh ia ka Post mortem, khnang ban lap ia ka daw jong ka jingiap utei u briew.
Na ka liang ki Pulit ki la pyntip, ba lada don mano mano kiba kwah ban tip halor katei ka metiap, ki lah ban leit kynduh ia u In-charge ka Rani Jirang Anti Dacoity Camp lane phun ha u number 87874-96206.