Jowai: Ki pulit ki la ioh kurup haduh 56 kilo tam u Ganja na kawei ka kali Santro kaba la aksiden ha ka jaka kaba la tip kum ka Damsara ha ka thain Kuliang (Umkiang) East Jaintia Hills.
Ka khubor ka la iathuh ba hynnin ka miet kawei ka Santro kaba don ia don ia u No. AS 23 D 2955 kaba niah da u Bahktu Das na ka shnong Dhalai, West Tripura kala ia kynduh ianka aksiden ha kaba utei u Baktu u la mynsaw malu mala.
Da ka jingpyntip ki nongshong shnong sha ki Pulit Umkiang, ki pulit ki la her bran bran sha katei ka jaka ha kaba ki la iarap ia utei u driver ban pynkit sha Umkiang PHC.
Hynrei hadien ba la talasi pat ia katei ka kali ki pulit ki la lap pynban da u Ganja uba khia haduh palat 56 kg.
Na ka liang ki pulit ki la pynlong biang ka jingjurip mynta ka step ha ryngkat ka jingdonlang u Magistor ha kaba la lap shisha ba udei u Ganja bad na ka liang ki pulit ki la register kes pyrshah ia utei u driver bad ia katei ka kali hapoh ka kyndon ain 20(B) NDPS hapoh Lumshnong Police Station.