Shillong: U myntri rangbah ka jylla u Conrad K Sangma u la ong ba ka jingiakren bad ka tnad kam bording ka sorkar pdeng bad kyrmen ba ia kane ka jingpynlip ding, yn lah ban pynbeit hapoh 48 kynta.
U myntri rangbah la iathuh ba ka jingiakren bad ka tnad kam bor ding kan dang iaid la shai ka sngi bad ka tnad kam bor ding ka sorkar pdeng ban weng ia kane ka jingeh ban pynlait na ka jingpynlip light ha ka jylla.
U myntri rangbah, u la ong ba ka pisa ba sah bad ka NTPC kam dei kaba thymmai, ka sorkar ka la siew T. 100 klur bad kaba sah T. 400 klur ka sorkar kan sa siew, ynda la ioh ia ka pisa na ka Rural Electrification Corporation.
Kumba ka long, na ka T. 1300/- klur la dep ioh T. 300 klur bad ka sorkar ka la siew T. 100 klur, kaba dangsah ka long T. 1000 klur, ynda ka sorkar kan ioh ia kane ka pisa kan sa siew ia ka bai light ba dangsah, kane ka jingia kren ban ioh ia ka pisa ka dang iaid.
U myntri rangbah ka jylla u la iathuh ba ka sorkar kam shym shim light shuh na ka NTPC, kaba pynlyngoh ka long ba kumno kan khang, ia ka jingai bor ding sha ka jylla, namar ka pisa ba sah kam dei kaba thymmai.
Na ka liang u myntri rangbah u la ong ba kane ka dei ka kam ka long kaba kham bniah bad kumta, yn nym lah ba batai than; hynrei ka jingshisha ka long ka sorkar ka ialeh ban weng ia kane ka jingeh bad kyrmen lah ban weng noh hapoh ka 48 kynta.
Kane ka jingshah ram kaba lah myndai,naduh por MSEB ruh 200 klur khlem siew sha Neepco,haduh ban da pynkylla corporation MeECL,ka ram ka nangkiew nangkiew,ka daw ka long ba don ki bym siew bai lait, na ka Liang ki paidbah ruh,don kiba lah shah ot tangba ki apply biang da ki Kyrteng thymmai,sa ki office sorkar bun bym siew
Balei ki driver Kim tah dor bai kali ha ki iit nakhmat bad nadien,shim bai kali katba mon