Lamkhmat ka Ri Bhoi ia ka All Jaintia Cricket Association na ka Zone 1

Shillong: Ha ka sngi ba nyngkong ba la ialehkai na ka Zone 1 jong ka Inter District U-23 Men’s Cricket Tournament ba la pynleh ha Nongpoh, ka Ri Bhoi ka la ialeh pyrshah ia ka All Jaintia Cricket Association bad ka Ri Bhoi ka la lam khmat ha ka inning kaba nyngkong da 178 run.

Ka AJCA ka la jop ia ka toss ha ka kylla step bad ka la jied ban tied bol shuwa, hynrei ka la shah pynkut noh da 140 ha ka 32.4 over. U Mewad Shylla u la ioh kamai palat ia ka shiteng run ia kaba ka kynhun ka ioh kamai, kata 72 na ka 62 bol, hynrei da ka jingtbit u nongkawang bol na ka liang pyrshah (7/15) ka la pynhiar noh ia ka rukom kamai run jong ka AJCA.

Ha ka kylla miet pat, ka Ri Bhoi ka la kamai tam ia ka 5 ha ka over bad ka la lah ban poi 318/10 ha ka 58 over. 2 ngut ki nongtied ki la lah ban kot sha ka half century kata u Laxman Gurung (82 da 86 bol) bad u Ananth Malik (58 da 40 bol). Sa kiwei kiba la iarap shibun ban synniang run ia ka Ri Bhoi ki kynthup ia u Pratik Haritwal (47) bad u Abhijeet Dey (37), katba na ka liang ki nongkawang bol uba la lah ban pynphai shibun sha ka AJCA u dei u Nehlang Pariat uba la ioh ban mait 6/68.