Shillong: Ha ka jinglehkai kaba mynta ka sngi jong ka Inter-District U-23 Men’s Cricket Tournament ka East Jaintia Hills bad ka North Garo Hills ki la long ki kynhun kiba la lam khmat ha kane ka Tournament.
Na ka kynhun kaba 1, ka East Jaintia Hills kaba long ka district kaba thymmai ban ia snoh kti bad ka MCA, ka la jop ia ka toss bad jied ban tied bol bad ka la lah ban kamai 164 run da kaba liem lut baroh ki wicket ha ka inning kaba nyngkong pyrshah ia ka All Jaintia Cricket Association. U Passang Sherpa u la lah ban kamai shiteng ia ka century kata 61 run, katba u Daowam Passah u la ioh 4 wicket da 14 run bad u Mewada Shylla 3 wicket da 36 run kiba la long ki nongkamai kiba biang na ka liang jong ka AJCA.
U Dathrangki u la lah ban tied 34 run na ka bynta ka AJCA, hynrei ka jingiakhun jong kane ka kynhun ka la kut noh da 74 run kaba la pynlong ha ka inning kaba nyngkong ban lam khmat da ka EJH da 90 run, bad da kane ka liang pyrshah ka la kham synjor ha ka jingleh bor bah jong u Saroj Raut uba la pynliem 5 ngut ki wicket tang da 2 run hapoh ka 6 over.
Ha shuwa ban kut ka jinglehkai ka EJH ka poi 35/2 ha 17 over, ha kaba u Peterson Sangma (18) u la lah ban kamai tam na marshiteng jong katei ka run, kaba la pynlong ba kan lam khmat da 125 Haba phai pat ha Mendipathar, kaba la lehkai da ka kynhun kaba 2, ka South Garo Hills kaba la tied nyngkong ka la kamai dohiap ban poi 44 run ha kaba u Sanju Rabha jong North Garo Hills u la ioh ban pynliem 5 ngut da tang 8 run.
Ka North Garo Hills pat ka la lah ban kamai 4 run tam ha ka shi over ha kaba ka la poi haduh 245 run da kaba liem lut baroh ki wicket. U Aditya Singh uba la kamai bun eh 65 run, katba u Drabest Marak 45 run, u Gilseng Momin ruh kum juh u la lah ban synniang lem haduh 34 run. 2 ngut ki ki nong kawang bol jong ka South Garo Hills ki la ioh mar 3 wicket kata u Ralseng marak 3 wicket da 17 run bad u Cheng srang Marak 3 wicket da 53 runHa ka jingsdang jong ka inning kaba 2 ka SGH kaba dang dei ban ioh 201 run bad ha ka jingdon ki wicket ban tied kaba tang 4 ngut ki dang poi tang 59 run kaba dang donkam sa haduh 142 run ban pynlong ia ka NGH ban ioh biang ban tied bol. Ha ka jingleh ba jur jong U Arien Bon chang u la pynioh 42 na ka 59 run jong ka SGH, hynrei u la hap ban mih noh na madan tang ha ki 4 over kiba sah. U Gilseng Momin u la kamai 3 wicket da 7 run kum uwei na ki nongkamai kiba biang.
Phi don ban ong eiei?