Lam khmat ka SCA-A ia ka SCA-B ha ka Meghalaya Cricket Association U-23

Shillong:Ka Shillong Cricket Association A ka la lam khmat da 74 run pyrshah ia ka SCA-B ha kaba kut ka sngi ba nyngkong hapoh ka Zone 1 jong ka Meghalaya Cricket Association U-23 Men’s Inter-District Tournament kaba la long ha Nongpoh.

Ka SCA-B ka la jop ia ka toss bad la rai ban tied bol shuwa hynrei da ka jingkhyllem lut jong ki wicket ka la poi tang 180 ha ka 42 over hadien ba u Bipin Kumar Ray u la ioh mait 4/29 bad u Swastik Chettri 3/42 kaba la pynsohsat ia ki nongtied bol, hynrei ym ia u Kasim Sunn uba la lah pat ban kot sha ka half century da kaba ioh 58 na ki 71 bol, katba u Biprodeep Dasgupta u ioh 27 na ki 26 bol.

Ha ka kylla miet pat ka SCA-A ka la ai jubab pyrshah ia ka SCA-B ha kaba ka la pynkut noh da kaba kamai 254/4 ha ki 45 over. Lai ngut ki nongtied ki la kot sha ka 50 khlieh kata u Roshan Warbah (73 da 46), u Aman Kumar (65 da 105) bad u Abhishek Gupta (51 da 41) – katba u Aryan Bora uwei na ki samla rit uba la ioh mait ia baroh saw ngut ki nongtied jong ka SCA-A da kaba pynkut ia ka sngi da 4/68