Laitphet u koidi ha ka por ba rah Hospital, ki Pulit ha Nongpoh

Nongpoh: Uwei u koidi uba dang don ha ka jingshah tian bishar ne Under Trial Prisoners (UTP) bad uba la tip kum u Rajit Khongngain, u la laitphet na ki pulit ha ka por ba ki ailad ia u ba un rung ha kamra Doktor kiba don ha Nongpoh Civil Hospital.

Ha ka por ba la thmu ban leit phah peit Doktor ia utei u Koidi, la synran da arngut ki Pulit rah tiar lem bad uwei u Nongtrei hapoh ka District Jail kaba don ha Mawsyntai, ha kaba ki la pahara bha ia u, pynban ha ka por ba ki ailad ia u ban rung sha kamra Doktor, utei u koidi u la phet bad khlem lap shuh ia u.

Haba iadei bad ka jingiohphet utei u Koidi, ka kynhun ki Pulit Reserve Police bad Nongpoh Police Station, ki la leit ban wad ia utei u Koidi, hynrei kat haduh ba la thoh ia kane ka khubor, ym pat lap satia bad ym tip shano u don.