Lait u nonghikai, ba shah dawa T.5klur

Shillong, 5 Rymphang:
Ka Joint Action Committee of All Teachers Association fo Meghalaya (JACATAM) bad ka Khasi Jaintia Deficit School Teachers Association (KJDSTA) ki la pynpaw ia ka jingsngew tynnad hadien ba u nong hikai ka Tura Christian Girls Higher Secondary School u Iqbal Rafique uba la shah rahbor ha ki runar ha ka sngi u Blei, u la lait noh mynta ka sngi.
Ha ka jingpyllait khubor mynta ka sngi, ka JACATAM bad ka KJDSTA ki la ong ba kum kane ka jingjia kam dei shuh ban jia ia une u nonghikai bad na ka liang jong kine ki seng ki la kitbok ia une u nonghikai ba un ioh jingkoit jingkhiah.
Lah ban kdew ba ha kane ka sngi u Blei ba ladep ki runar ki la rahbor ia u Iqbal Rafique bad ki la dawa na ki bahaiing bahasem jong u ba kidei ban siew haduh T.5 klur ban pyllait ia u.