Nongpoh: U nongniah jong kawei ka trok rit 407, u la lait thaw na ka jingiap, kata hadien ba katei ka kali kaba u niah, ka la kylla ha Jingkieng heh ha Damsite bad ka jingdonbok jong utei u Nongniah, ka long ba katei ka kali, ka la neh sha shiteng jong katei ka riat, kaba la den ia ka Damsite.
La ioh jingtip ba katei ka jingjia, ka la jia hynne ka sngi ha ka por 9:30 baje ei ei mynstep, ha kaba katei ka trok rit, kaba na ki thain Guwahati da ka jingthmu ban kiew sha Shillong, hynrei haba la poi ha katei ka jaka, ka la leit ban tynrah ia ka jingker bad noh syndon shapoh jong katei ka Jingkieng.
Hapoh katei ka trok thylli don tang marwei u Nongniah uba la tip kum u Balbir Sing bad uba mynsaw jur na katei ka jingjia kylla kali, kaba la pynlong ruh ia ki pulit ba kin pynkit noh mar mar ia u sha ki jaka sumar.
La suba ba ka daw kaba la pynlong ia katei ka kali ba kan noh sha katei ka riat ha Jingkieng heh ha Damsite, ka dei namar ba don ka jingthut hapoh katei ka trok.
Phi don ban ong eiei?