Shillong: Kawei ka long kmie kaba don khun haduh 7 ngut, kaba sah ha Khapmara, dong Nonglakhiat, Ri-Bhoi district, ka la lait thaw salit na ka sni jong ka jingiap, hadien ba u lok jong ka, uba la ap ktem ia ka ha lynti shnong ban leit sha iing, u la ioh ban dung na ki lai bynta ha ki dkhot met jong ka.
Katei ka longkmie kam pat lah bha ban jubab shai, namar ki bynta ka ngab kim pat long ban pynkhih than ia ka shyntur ban kren, hynrei katto katne ka la batai ba ha ka 30 tarik Jylliew, u lok jong ka uba kyrteng u Charles Nongrum, na ka shnong Nongkya, uba la shongkhlad bad ka, u la dung da ka tari ia ki bynta ki dkhot met jong ka, da ka jingthmu pyniap ia ka. Hynrei katei ka longkmie ka la lait da ka, said haba ka la ioh ban phet na katei ka jaka.
Ia ka ejahar la ujor noh sha ki pulit ka PIC Khapmara, bad tang hadien katto katne sngi utei u runar u la leit aiti noh sha ki pulit bad la pynngat ia u hapoh ki kyndon aiñ 307, 326 IPC.
Ha kaba iadei bad katei ka jingjia, ki ar tylli ki seng bhalang ka Hynñiewtrep Achik National Movement (HANM), Ri-Bhoi district bad ka Meghalaya People’s Social Organization (MPSO), Women’s wing, Ri-Bhoi district, ki la mih shakhmat bad pynrem jur ia katei ka jingleh riewkhlaw utei u runar u bym don shuh ka jingtip lem, khamtam la ka lok jong u kaba u la pynkha ia kitei ki 7 ngut ki mynsiem.
Kitei ki ar seng ki la kyrpad ia ki bor pulit ban pynsaja ia utei u runar, katkum ki kyndon aiñ, bad ban ai jingiada ruh ia katei ka longkmie lem bad ki khun jong ka, ioh un pynhiar kput lada u lait noh na ka jingshah teh shah khum, bad ba kitei ki ar seng ki la ong ruh ba kum kine ki jingjia ki la ju iai jia ha rilum Khasi bad dei tang ki bor ka aiñ ki ban tehlakam ban iada ia ki mynsiem kiba ju shah byrngem.
Lada shna ka aiñ baskhem kita kiba leh kin thngad bad ka aiñ ka long ban set along shi jingim