Lait phatok 2 ngut ki dkhot ka KSU Lawsohtun

Shillong,13 Jymmang:
Ar ngut ki nongia lam ka KSU kiba la shah kem ha ka por ia khih ILP, ki la lait  phatok  mynta ka sngi hadien ba ki la ioh jamin na ka Kashari. Ki ar ngut ki nongialam ka KSU kiba la lait phatok ki long u Johny Sohkhlet bad u  Readytonstone Nongrum. Kitei baroh ar ngut ki la lait ruh na ka ain kaba tyngeh kaba la pynngat ia ki ka Meghalaya Prevention and Detension Act (MPDA).
Ia kitei baroh ar ngut la wanrah na William nagar District Jail kaba don ha East Garo Hills sha Shillong ha ka sngi saitjain, bad la pyllait noh ia ki mynta ka sngi. La pdiang burom ia ki da ki nongialam ka KSU , ki dkhot bad ki bahaing hasem hadien ba ki la mih na Shillong District Jail.
U Ready Nongrum u dei u General Secretary ka KSU Lawsohtun Unit katba u Johny pat u dei u dkhot.Lah ban pynkynmaw ba kitei ar ngut ki la shah kem halor ka jingkynoh ba ki la donkti ha ka kam kawang petrol bomb ha kawei ka dukan sha jong u Bisheshwar Das (58), ha ka 16 tarik u naiwieng jong u snem ba la dep Bishnupur, ha kaba utei u trai dukan u la khlad noh namar ka jingshitom jur.
Lah ban pynkynmaw ba ki 13 sengbhalang ki la dawa na ka sorkar jylla ba kan pyllait noh , ia ki lai ngut ki dkhot sengbhalang ba kynthup ar ngut ki KSU u bah Ready bad u Johny katba uwei pat u dei u Everson Syngkon, u dkhot ka HNYF, ki la dawa ruh ba ka sorkar ka dei ban pyllait noh ia kitei ki lai ngut na ka ain MPDA. Kham mynshuwa na ka liang ki pulit ki la ong ba ban pyllait MPDA ka dei ka kam ka sorkar, katba ia ka jingpyllait na phatok ka dei ka kam jong ka ain bad ka Kashari, hynrei mynta ka sngi la pyllait noh ia ki.
Haba iakren mynta ka sngi bad U bah Auguster Jyrwa, uba dei U General Secretery ka KSU, u iathuh ba kitei ki arngut ki dkhot, kiba shah pyngngat MPDA, ki la ioh jamin na kashari, hynrei, ha kajuh ka por, u kyntait ruh, ba ki don bynta, ha kaba kawang petrol bom, ha kawei ka dukan sha ha Bishnupur, ha ka por iakhih ILP, ha u bnai Naiwieng 2013.