Lait na ka Iewduh, la shah ka sorkar ban plie noh ia ki dukan ha baroh kawei ka jylla

Shillong: Kum shi bynta ban ai lad ia ki nongshong shnong ka jylla ba kin ioh ban sdang noh ia la ki kam ki jam ka sorkar jylla, mynta ka sngi ka la shah ban plie ia ki katto katne ki dukan kiba don shabar ka iewduh ba kin plie noh.

Haba ia kren bad ki lad pathai khubor na ka liang u Symbud Myntri rang bah ka jylla u Bah Prestone Tynsong, u la iathuh ban a ka liang ka sorkar jylla ka la shah ban plie noh ia ki dukan ki ba don shabar ka Iewduh kine ki dukan ki kynthup ia ki dukan Jain, dukan Die Shatri, ki dukan die tiar shet jingshet (kitchen shop), ki dukan die tiar light. Ka sorkar ka la shah ruh ban plie noh ia ki Travel Agency bad ki showroom jong ki kali.

U bah Prestone u la iathuh ruh ba hadien ka jingialang ba la long mynta ka sngi bad u CEM ka KHADC, ka Deputy Commissionor, bad u syiem ka Hima Mylliem ki la shim ia ka rai ba ki dukan ki ba don hapoh Iewduh, yn ym pat shah ban plie haduh ban da pynbna pat da kumwei.