Lait ki 3ngut, tang ha ka dor 25hajar

Tura, 17 lyngkot:
Ki lai ngut ki nongkhaii, kiba la shah rahbor ha ki riew runar, hajan ka khlaw Telekali, ki la lait noh mynta ka sngi, hajan ka shnong Rongrikemgre ha South Garo Hills.
Kitei ki lai ngut ki nongkhaii, ki dei kiba na Dalu na West Garo Hills district bad kitei ki kynthup ia U Tamal Dey (38) na Killapara, U Dulan Mahanta (36) na Killapara bad U Durgapada Dutta (35) na Chaipani. Kitei ki dei kiba na West Garo Hills District. La iathuh ba kiba ha iing jong kitei ki lai ngut, kiba shah rahbor, ki siew T.25,000 sha kitei kiba shah rahbor,wat la ka jingdawa, ka dei kaba haduh T.10lak, ha ka sien kaba sdang. Kitei kiba shah rahbor, ki dei ha ka kynhun kaba 11ngut bad ka jingjia, ka dei ha ka 10tarik Kyllalyngkot 2017. “Ngi ioh jingtip, ba la pyllait ia ki mynta ka step, hajan Telekali bad la ioh jingtip, ba la siew T.25hajar sha ki nongrahbor” ong U Anand Mishra, Superintendent of Police, South Garo Hills.